Navn |
Tore Knutsen Grødem [1] |
Fødsel |
ca. 1656 |
Grødem, Randaberg, Rogaland, Norway [1] |
Kjønn |
Mann |
Bygdebok |
Grødem, Randaberg, Rogaland, Norway [2] |
|
Randaberg. 1 - Gard og ætt 1 (Lindanger, Birger, 1983) - Side 118
|
Bygdebok |
Tunge, Randaberg, Rogaland, Norway [3] |
Med Tore Knutsson starta ei ny tid på bruk 1. Han høyrde til den beste ætta i Randaberg og har ganske sikkert drege ikkje så lite kapital til gards.
Tore vert gjestgjevar
Han visst og å snu ulemper til føremoner. Tunge var siste stasjonen for dei som kom frå Stavanger og skulle over Boknafjorden eller sjøvegen sørover langs jærkysten. Skal me tru matrikkelen i 1668, såg Sven og Anders på dei reisande som uynskte gjester som gav dei lite anna enn bryderi og utgifter.
Tore kjende på si side futen gjennom faren, og søkte straks han hadde bygsla bruket om å få verta gjestgjevar på «Nesset». Det gjekk greitt, og i desember 1675 las futen sjølv på tinget brevet som gav Tore gjestgjevarløyve. Venteleg må me sjå det som ein del av oppgåvene hans som gjestgjevar at han på stallen hadde fem hestar og i støa åttring, seksring og færing. Slik utstyrt var han i stand til å skyssa folk både til lands og til vanns. Som gjestgjevar høvde det også godt at han hadde smie, den einaste i bygda ved sida av den på Todnem. Ei smie trongst til å sko hestar og til ymse vølingar på båtar som for framom.
Thormod Torfæus og slåbroken
Mykje folk var innom gjestgjevaren på Neset, jamvel storfolk som varen Thormod Torfæus på Stangaland på Karmøy. På forsommaren 1693 han vore ein tur i Stavanger, og tri roarar sørga for å føra han og båten på heimveg. Før dei sette over fjorden, tok dei ein tur innom Tore på Tunge. Kanskje overnatta dei. I alle høve hadde Thormod gitt Ola, drengen til Tore, ein kostbar slåbrok («slap Roch») venteleg i samband med at han skulle leggja seg. Sidan fylgde Ola presten Henrik Rosenkilde inn til Stavanger.
Då Thormod skulle reisa vidare, var det uråd å finna slåbroken. Han må ha hatt ein mistanke til presten, for Henrik Rosenkilde lyste sidan tri gonger etter slåbroken frå preikestolen. Klesplagget kom likevel ikkje til rettes. Det enda med at historikaren stemnde saka for tinget. Fyrst var ho oppe for to skipreideting med ei mengd vitne for sidan å koma opp for lagtinget i Stavanger. Her vart saka lagt til sides etter at det vart opplyst at mysteriet var løyst. Diverre vert det ikkje sagt noko om kven som hadde gøymt slåbroken.
Fiske
Tore og Malena dreiv både jorda og sjøen godt ved sida av gjestgjevarverk-
semda. I naustet hadde dei sildegarn, liner, hummarteiner og ei mengd anna fiskereiskap som syner at dei ikkje nytta båtane berre til skyssing av reisande.
Gardsdrift
Buskapen deira svara til 25 kyrlag, langt over bygdegjennomsnittet og 8 — 10
kyrlag meir enn det som elles var vanleg på dette bruket. Det var helst dei fem hestane som gjorde utslaget.
Velstand
Malena åtte to hjulrokkar, noko som var heilt uvanleg i ei tid då snautt nok kvar tiande familie hadde ein slik reiskap i si eige. Veven hennar var og eit sjeldsyn.
Verksemda deira gav ein del overskot, og noko av dette lånte dei ut til bygdefolk. Både Tore og Malena døydde under den store dysenteriepidemien våren 1695. På den tida hadde dei uteståande krav for 17 dalarar kringom i Randaberg. Alt dei åtte vart samstundes rekna til ein verdi av snautt 168 dalarar. Det er det største buet me kjenner frå Randaberg i siste halvdelen av 1600-talet.
--------------------
Tore Knutsson (1674 - 1695), Grødem, br. 1, hl, 3,1, d. 1695.
Gift med enka Malena Østensdotter, d. br. hl. 2, d. 1695.
To barn:
1) Siri, d. br. hl. 4
2) Ingeborg, g. m. Helge Halvorsson, Stavanger |
|
Randaberg. 1 - Gard og ætt 1 (Lindanger, Birger, 1983) - Side 302.jpg
|
|
Randaberg. 1 - Gard og ætt 1 (Lindanger, Birger, 1983) - Side 304
|
|
Randaberg. 1 - Gard og ætt 1 (Lindanger, Birger, 1983) - Side 317
|
Død |
1695 |
Tunge, Randaberg, Rogaland, Norway [1] |
Søsken |
1 bror |
+ | 1. Tore Knutsen Grødem, f. ca. 1656, Grødem, Randaberg, Rogaland, Norway d. 1695, Tunge, Randaberg, Rogaland, Norway (Alder ~ 39 år) ▻ Malena Østensdatter | | 2. Nils Knutsen Grødem, f. ca. 1661, Grødem, Randaberg, Rogaland, Norway d. 1730, Vestre Goa, Randaberg, Rogaland, Norway (Alder ~ 69 år) ▻ Berit Jensdatter Austiøynå, g. 1684 ; Maren Kristensdatter Austrått | |
Halvsøsken |
2 halvbrødre og 2 halvsøstre (familie til Knut Toresen Grødem og Ingeborg Sjursdatter Håland) |
| 1. Knud Knudsen Grødem / Westlye, f. 1669, Grødem, Randaberg, Rogaland, Norway gravl. 3 Jan 1749, Stavanger Domkirke, Rogaland, Norway (Alder ~ 80 år) ▻ Ellen Rebekka Lauritzdatter Syssenvindia | | 2. Sjur Knutsen Grødem, f. ca. 1677, Grødem, Randaberg, Rogaland, Norway d. 1746, Grødem, Randaberg, Rogaland, Norway (Alder ~ 69 år) ▻ Ingeborg Tjærandsdatter Øvre Haugland | | 3. Karen Knutsdatter Grødem, f. Grødem, Randaberg, Rogaland, Norway | | 4. Berta Knutsdatter Grødem, f. Grødem, Randaberg, Rogaland, Norway | |
Person ID |
I4771 |
Servan Homme |
Sist endret |
22 Jul 2016 |