Navn |
Lars O. Slettemoen |
Fødsel |
17 Jul 1885 |
Hol, Buskerud, Norway [1] |
- Sønn av Ole Mikkelsen Slettemoen og Anne Olsdatter
|
Dåp |
27 Sep 1885 |
Hol, Buskerud, Norway [1] |
Kjønn |
Mann |
Folketelling |
1910 |
Hol, Buskerud, Norway |
https://www.digitalarkivet.no/census/person/pf01036469000084
Sivilstand: ugift
Yrke: Snekker |
Leksikon |
Lars Olson Slettemoen (fødd 17. juli 1885 på stølen Kulthaug, Ustaoset, Hol kommune, dødsår ukjent) var snikkar og bonde på Vestvoll i Moen i Hol. I heimkommunen er han særleg kjent som far til Bygdahall, det fyrste samfunnshuset i Hallingdal.
Lars var den yngste av åtte syskjen, og foreldra, Ola Mikkelson Slettemoen (1845-1906) og Anne Olsdotter Nedremyr (1846-1940), var gardbrukarar på søre Slettemoen i Moen. Faren vart sjuk og arbeidsufør da Lars var eit år gamal. Lars skriv om han at han var "ein stille og svært religiøs mann". Om mora skriv han at ho nok var "av ein annan natur". Han minnest at ho arbeidde støtt, både i fjøset, ute i marka og inne. "Då ho var 80 år gamal, skar ho 1/2 mål åker på ein dag." Det var trange kår og ungane kom tidleg i arbeid både på garden og på stølane. Frå Lars var 7-8 til han var 15 år hadde han fast sumarjobb som gjetargut.
Da faren døydde og broren Mikkel overtok søre Slettemoen, ønskte Lars å gå på lærarskule, men det tillet ikkje økonomien. I staden tok han seg arbeid og tente nok til å kunne gå på Voss Folkehøgskule vinteren 1907-1908. Her gjekk han mellom andre saman med venen Torleiv Reinton. Etter året på folkehøgskule, jobba dei to venene tre sumrar med å skysse folk over fjellet frå Haugastøl, av og til heilt til Myrdal. Ein vinter gjekk Lars i snikkarlære og jobba han ei tid på snikkarverkstaden til Torleiv Reinton. I 1910 står han oppført som snikkar i folketellinga.
"I 1916 tok eg meg tid til å gifte meg," skriv Lars. Kona heitte Marie Emilie Foss (1880-1943) og var frå Øvre Eiker. Ho hadde lærarutdanning og verka som lærar frå 1905-1942, frå 1917 i Moen. Lars og Marie fekk ingen born.
Vestvoll, opprinneleg heimstøl til søre og myljo Slettemoen, var svært attgrodd da Lars kjøpte han i 1913, så det vart mykje nyrydding. For dette arbeidet fekk han Ny Jords diplom i 1941. Også to av brørne hans, Ola og Pål, rydda seg gardar frå grunnen av. Lars bygde fleire nye hus på Vestvoll. I 1940 bygde han også silo og eksperimenterte heile livet med å finne alternativ til den tradisjonelle syra, for å få sunnare fôr og dermed betre mjølk og kjøt. Han engasjerte seg også i dyrevern og var i mange år formann i Hol dyrevern. Lars var tidleg ute med å kjøpe traktor (1947). Den overlet han seinare til maskinlaget.
Lars engasjerte seg sterkt i arbeidet med å få bygd det første samfunnshuset i dalen, Bygdahall, og var formann i byggenemnda for dette. Han var også ein pådrivar i veg- og brubygginga i Moen, og fekk gjennomført dette som samvirketiltak.
I 1949 selde han garden til brorsonen, Ola Olsen Slettemoen, men vart buande i sitt eige hus på garden.
Kilde: https://lokalhistoriewiki.no/wiki/Lars_Olson_Slettemoen |
Magasin / Avisoppslag |
26 Nov 1974 |
|
Lars O. Slettemoen (1885-1975) - Ein føregangsmann i Hol (Drammens Tidende og Buskeruds Blad den 26. november 1974) Ein føregangsmann i Hol
Mange vil sikkert hugse Lars O. Slettemoen frå aviser og tidsskrifter for ein del år attende, der han helst skreiv om silospørsmål.
Det som låg attom arbeidet hans, var å hjelpe yrkesbrørne sine fram til betre driftsmåtar og større lønsemd i gardsdrifta. Han var ein føregangsmann på fleire område, også når det galdt ensilering: Alt for mange år attende var silofôret einaste grovfôret, og det turrfôret som fanst i løa på Vestvoll, er ikkje verdt å nemne.
For Slettemoen er syre og andre kunstige tilsetningsmidler heilt forkasteleg.
Slettemoen korresponderte også med professor Knut Breirem på Norges Landbrukshøgskole om silospørsmål, og professor Breirem synte interesse for silometoden til Slettemoen.
Slettemoens silometode går som kjent ut på å pumpe vatn og luft ut or siloen med ei vakuumpumpe, slik at silomassa søkk og vert pressa sterkt saman.
Men det var ikkje nok for Slettemoen å berre få til heimeavla fôr som var næringsrikt og av god kvalitet:
I mange år dreiv han fôrings-prøver med oksar, som vart slakta ca. eit og eit halvt år gamle.
Målet hans var å gjennomføre fôringa med mest mogleg heimeavla fôr og minst mogleg innkjøpt kraftfôr, og han fekk her eit bra resultat.
Det som kjennteiknar personen Lars O. Slettemoen, er den ukuelege viljen og det aldri sviktande pågangsmotet hans. Han høyrer til dei få som verkeleg set merke etter seg, og utan han hadde det knapt vore noko «Bygdahall» i Hol. Han kan nok med rette kallast «Bygdahalls far». I dag heng det eit stort bilæte av han i storesalen på «Bygdahall».
Det som er nemnt her, er berre litt av det som han har utretta i eit langt liv.
No bur han ikkje på det kjære bruket sitt «Vestvoll» lenger, det er overteke av yngre krefter, men han er glad for at det har kome på gode hender og i slekta.
Etter kvart har han vorten ein eldre mann som går i sitt nittiande år. Han held no til på Høgehaug bygdaheim i Holet, og det vert ikkje så mykje skriving lenger, men interessa er like stor som før. Ofte sit han nok i glaset og ser ut over Holsfjorden og ventar på at nokon skal kome inn for å slå av ein prat, medan tankane går til Vestvoll og den gode tida han fekk ha der.
Til slutt ei oppmoding til alle: Mange av dei som sit på bygdeheimane, har det nok ytre sett svert bra, men dei er ofte einsame og kjenner seg utanfor. Fritida kan vel knapt nyttest betre enn ein prat til oppmuntring for desse.
Ven. |
Død |
15 Feb 1975 |
Hol, Buskerud, Norway |
|
Lars O. Slettemoen (1885-1975) - Dødsannonse i Drammens Tidende og Buskeruds Blad den 19. februar 1975 Var kjære
Lars O. Slettemoen
sovna fredfullt inn på Høgehaug Bygdaheim i dag,
vel 89 år gamal.
Hol, 15. februar 1975
For slekta
Anna Slettemoen
Gravferd frå Hol kyrkje laurdag 22 februar kl. 14.
Dei som fylgjer Lars til han siste kvilestad,
er etter jordfestinga velkomne til ei minnestund ha Bygdehall |
Begravelse |
22 Feb 1975 |
Hol kirke, Hol, Buskerud, Norway |
Person ID |
I14461 |
Servan Homme |
Sist endret |
10 Sep 2020 |