Bruker 6. Eivind Jakopson mellom 1678 og1724:
<>Født ca. 1636 (5.1). Død 1724.
Gift 1. gong med Malena Eriksdtr. frå Byre. Død 1681.
Gift 2. Gong med Borghild Larsdtr. Barkeland, Jelsa. Død 1752.
Første kona til Eivind Jakopson var av den kjende Byre-Blank-ætta. Foreldra hennar var Erik Olavson Byre og Marita Larsdtr, frå Jørstad, som gjennom mora, Siri Olsdtr., hadde ætteline tilbake til Olav Jonson Aukland, stor jordeigar og lensmann i Hjelmeland gjennom fleire ti-år på 1600-talet (Hjelmeland l, s. 104-105). Mor til Erik Olavson, Kari Eriksdtr., var dotter til Erik Jakopson Koll på Byre, også han lensmann gjennom dei første ti-åra av 1600-talet, medan faren, Olav Henrikson, var son til Henrik Henrikson Blank (truleg frå Skottland), som budde på Nedre Fister kring 1600 (Hjelmeland 3, s. 61). Så det var framståande slekter som vart knytte saman gjennom giftarmålet mellom Eivind Jakopson og Malena Eriksdtr.
Også andre kona hans, Borghild Larsdtr. frå Barkeland var av ei framståande bondeætt.
Starten for Eivind var ikkje så strålande. I 1666 fortel futens bøteregister at han hadde gjort seg skuldig i leiermål "med et løst kvinfolk", Det vart nok barn av dette, og Eivind måtte gjera opp for seg med futen og betala "af sin yderste formue" heile 8 rdr, - Det er mogeleg at det barnet han måtte betala for, var Marta, som 1690 vart gift med Anders Rasmusson Y. Ladstein (B.2), Ho er kalla Marta Eivindsdtr. Få og døydde i 1721, like etter at ho vart gift for 2. gong. Ho etterlet seg born (sjå Y.Ladstein B.2), men dei er ikkje tekne med i testamentet etter Eivind 1724 (sjå nedanfor).
I skattelister dei etterfølgiande åra er han kalla Eivind Alsvik (i Strand), så det er truleg han var brukar der nokre år frå han gifte seg og til han tok over farsgarden. Frå 1680 og fram til 1723, året før han døydde, var han lensmann i Finnøy.
Saman med søskena sine arva han Få, og gjennom oppkjøp sikra han det aller meste av odelsgodset for seg og borna sine. Det skjedde ved kjøp frå Peder Ellingson (son til Elling på Y. Ladstein) 1696 og frå Reiar Jakopson Berge 1706.
Eivind Jakopson vart såleis eigar av i alt 9 vetter 2/3 spann korn, eit uttrykk for at han var ein velståande mann. Av den skyldparten som stod att av odelsgodset (5 1/3 spann) åtte, etter ein matrikkel frå 1704, Jakop Vaule (i Strand) 3 spann; han kan ha vore gift med ei dotter til Eivind.
Eivind Jakopson hadde ikkje berre kapital til å innløysa skyldpartar i Få frå andre arvingar. Då Finnøykyrkja vart bydd fram til sal etter 1723, gjekk han saman med to av sønene sine, Erik og Jakop, i lag med Lars Knutson på Nådå (nr. 10), Jakop Anderson Hesby (B.2) og Rasmus Jonson Lauvsnes (A.3) og betalte dei 593 rdr.60 skill. Som kyrkja vart taksert for (om kyrkjesalet sjå Nådå nr.10).
Born i 1. ekteskap:
1. Erik født ca. 1670 (38 år 1708). Brukar Steinnes A.2.
2. Barn født 1674. Kan vera Henrik som døydde 1678.
3. Elling født 1677. Må ha døydd tidleg.
Av borna i 1. ekteskap var det berre Erik som voks opp og var i live då faren døydde i 1724.
Born i 2. ekteskap:
4. Malena, fødselsår ukjent. Død 1683.
5. Jakop født 1684. Han døydde tidleg.
6. Laurits født 1685. Død samme år, 3 veker.
7. Laurits født 1687.
I det sjømilitære manntalet 1707 er alderen oppgjeven til 27 år, og han var klokkar. Han er ikkje teken med i skiftet etter faren, så han må vera død då utan å etterlata seg livsarvingar. - I eit notat 1711 skriv presten Kristian Reimer at Laurits, som var konstituert degn, var utkalla til teneste i sjøforsvaret, "men en ung person forrætter her sangen, og jeg undertegnede informerer ungdommen, indtil voris Hr. biskop kommer i sin visitatz, da han vel en anden constituerer". - Det er den store nordiske krigen det er tale om, og kanskje kom ikkje Laurits tilbake. Broren Jakop (brukar 7) heldt fram som klokkar etter Laurits.
8. Malena født 1690. Skifteforretninga 1724 opplyser at ho var gift med Ola Jakopson Gard, men dette er feil, det var søstera Anna (nr. 12) som vart gift til Gard (sjå nedanfor). Malena var gift med Sven Rasmusson Litle Døvik i Ardal (Årdal 11 s. 624-25).
9. Johannes født 1691. Heimedøypt og død samme år, 6 dagar.
10. Ellen. Fødselsår ukjent. Død1694.
11. Jakop født 1696. Brukar nr. 7.
12. Anna født 1699. Gift 1721 Ola Jakopson Gard. Brukar Gard. Sjå barn nr. 8 ovanfor.
I 1701 er Eivind Jakopson registrert saman med sønene Laurits (Lars) på 14 og Jakop på 5 år, og det var to tenarar på garden. I 1707 var det ein tenar, medan Eivind i 1711 betalte ekstraskatt for to drenger og to tenestegienter, i tillegg til seg sjølv, kone og tre born (truleg Malena, Jakop og Anna, Laurits var nok død då).
Eivind Jakopson er innførd som brukar i matrikkelførearbeidet 1723, men året etter var det enka og sonen Jakop som svara for skatten. Eivind døydde dette året, og det vart vist han den store æra at han vart gravlagd inne i kyrkja, "ved chordøren på mandsiden af stolene" står det i kyrkjeboka. Det vart halde skifte same år, og arvingane var ved sida av enka sønene Erik og Jakop og døtrene Malena og Anna. Før han døydde, hadde Eivind skøytt over til Jakop 1 sk.pd. av eigedomen i Få. Resten av jordegodset gjekk inn i buet, som var på vel 519 rdr. brutto, ca. 420 rdr. netto, og både lausøyre og jordegods vart delt mellom enka og borna. |
Slektstavle til 
Norwegian
1636 - 1724 (88 år) Has ingen aner men 14 etterkommere i Familietreet.
[1] 
Borgilla Larsdatter Barkeland, f. Barkeland, Jelsa, Rogaland, Norway 
Anna Evindsdatter Få, f. 2 Feb 1699, Få, Finnøy, Rogaland, Norway 